{"id":1148,"date":"2025-01-25T17:44:54","date_gmt":"2025-01-25T16:44:54","guid":{"rendered":"https:\/\/carreira.info\/blog\/?p=1148"},"modified":"2025-01-26T21:37:59","modified_gmt":"2025-01-26T20:37:59","slug":"sancte-eugenie-de-carraria","status":"publish","type":"post","link":"https:\/\/carreira.info\/blog\/2025\/01\/25\/sancte-eugenie-de-carraria\/","title":{"rendered":"Sancte Eugenie de Carraria"},"content":{"rendered":"\n

Este top\u00f3nimo, o m\u00e1is antigo co\u00f1ecido documentalmente no que se menciona a parroquia, aparece rexistrado no Tombo de Toxos Outos. Este libro \u00e9 unha compilaci\u00f3n realizada polos monxes do mosteiro de San Xusto de Toxos Outos no ano 1289, nunha \u00e9poca en que o abade do mosteiro era un tal Sancho Eanes.<\/p>\n\n\n\n\n\n\n\n

Un tombo \u00e9 un cartulario, \u00e9 dicir, un libro de pergameo no que igrexas, conventos e mosteiros recoll\u00edan os seus privilexios e as escrituras das s\u00faas propiedades. A diferenza doutros cartularios medievais de mosteiros galegos, o tombo do mosteiro dos Santos Xusto e Pastor de Toxos Outos (Lousame) non destaca tanto pola s\u00faa documentaci\u00f3n, sen\u00f3n m\u00e1is ben pola serie de miniaturas que cont\u00e9n, as cales levaron a que este cartulario fose amplamente citado polos historiadores, especialmente nos \u00faltimos tempos.<\/p>\n\n\n\n

\"\"<\/figure>\n\n\n\n

Unha das varias imaxes representadas no Tombo de Toxos Outos, onde se mostra \u00f3 Arcebispo Diego Xelm\u00edrez ordeando dous novos Cabaleiros, na compa\u00f1a de varios nobres e arist\u00f3cratas galegos da \u00e9poca.<\/p>\n\n\n\n

Entre a documentaci\u00f3n recollida no tombo, aparecen referencias a lugares que hoxe forman parte do actual Concello de Ribeira, como as parroquias de Olveira, Artes e o Couto de De\u00e1n. Non obstante, o m\u00e1is salientable \u00e9 o top\u00f3nimo Sancte Eugenie de Carraria, pois este non coincide coas advocaci\u00f3ns actuais de Santa Ux\u00eda de Ribeira nin coa de San Paio de Carreira. Tr\u00e1tase, de feito, dunha mestura entre as d\u00faas fregues\u00edas.<\/p>\n\n\n\n

A hip\u00f3tese que propo\u00f1en varios historiadores locais que investigaron este tema \u00e9 que este top\u00f3nimo poder\u00eda referirse ao lugar que puido ser o xermolo de Ribeira. \u00c9 posible que, inicialmente, a denominaci\u00f3n estivera vinculada a alg\u00fan dos dous lugares, e que, co paso do tempo, as advocaci\u00f3ns quedaran definidas como Santa Ux\u00eda para Ribeira e San Paio para Carreira, ou ben que fora un erro por parte de quen redactou o texto.<\/p>\n\n\n\n

Este interesante tema queda aberto para futuros estudos e investigaci\u00f3ns, ofrecendo unha valiosa oportunidade para quen desexe afondar nas orixes hist\u00f3ricas das localidades do Concello de Ribeira.<\/p>\n\n\n\n

Amosamos de seguido o texto orixinal en latin, e a correspondente traduci\u00f3n \u00f3 galego:<\/p>\n\n\n\n

Carta domni Petri Roderici, priori Saris, de hereditate de Dayam. In nomine Domini. Ego Petrus Ruderici, monasterii Sancte Marie Saris prior, una cum omni eiusdem monasterii canonicorum et omnis uox nostra vobis domno Petro, monasterii Sancti Iusti de Tribulis Altis abbti, cum eiusdem monasterii monachorum conuentu et omni uoci uestre grato animo et spontanea uoluntate facimus cartam uendicionis et textu scripture firmitatis imperpetuum ualituram de tota nostra hereditate quantam habemus in villa que uocatur Dayam in concurrencia Sancte Eugenie de Carraria que est in terra Pistomarchos. Hanc igitur nostram predictam hereditatem totam uobis ab integro uendimus et libere ac firmiter concedimus cum omnibus suis directuris et bonis eiusdem hereditati pertinentibus intus et extra, id est montibus, fontibus, agris, arboribus, casis, casalibus, pratis, pasquis, riuis, riuulis, exitibus et regressibus et omnibus appendiciis suis, pro precio nobis et uobis bene complacabili, id est solidos Cm LXa fortis monete cum placabili robore, et tam de precio quam de robore nichil remansit apud uos in debito ad soluendum. Ab hinc igitur habete eam, et cetera. Siquis ex parte nostra aut ab extranea contra hoc uenerit, et cetera, pariat uobis uel pariamus predictam hereditatem duplatam uel triplatam et insuper solidos CCC XX fortis monete; et hoc nostrum fattum, et cetera.<\/em><\/p>\n\n\n\n

Facto scripto huius uendicionis die II idus septembris, era Ma CCa XXXa VIIIa. Nos iamdicti, et cetera. Q. p. f.: Rodericus Petri, tendarius, conf. Johannes Martini Aguza, conf. Rudericus Carnota de Legione. Matheus Petri, conf. Petrus Didaci, conf. Lupus Arie, compostellanus notarius, scripsit (Signum).<\/em><\/p>\n\n\n\n

TEXTO EN GALEGO<\/p>\n\n\n\n

12\/09\/1200. Santiago de Compostela. O mosteiro de Santa Mar\u00eda de Sar v\u00e9ndelle \u00f3 de Toxos Outos a herdade que ten na vila de De\u00e1n, en Sta. Ux\u00eda de Carreira, por cento sesenta soldos. B.- Tombo, f. 182r<\/em><\/p>\n\n\n\n

Carta de don Pedro Rodrigo, prior de Sar, sobre a herdanza de De\u00e1n.<\/em> <\/em>No nome do Se\u00f1or.<\/em> Eu, Pedro Rodrigo, prior do mosteiro de Santa Mar\u00eda de Sar, xunto con t\u00f3dolos co\u00e9ngos deste mesmo mosteiro e con toda a nosa voz, facemos esta carta de venda e texto de escritura que ter\u00e1 validez eterna sobre toda a nosa herdanza que posu\u00edmos na aldea chamada De\u00e1n, situada na comarca de Santa Ux\u00eda de Carreira, que est\u00e1 na terra de Postmarcos. Por tanto, vendemos \u00edntegramente toda esta nosa herdanza e conced\u00e9mola libre e firmemente, con t\u00f3dolos seus dereitos e bens pertencentes \u00e1 mesma herdanza, tanto dentro como f\u00f3ra, isto \u00e9, montes, fontes, campos, \u00e1rbores, casas, vivendas, pradeiras, pastos, r\u00edos, regatos, sa\u00eddas e entradas e t\u00f3dolos seus accesorios, por un prezo que nos \u00e9 e vos \u00e9 ben agradable, isto \u00e9, 660 s\u00f3lidos de moeda forte, co correspondente valor da moeda, e de tanto prezo como valor non queda nada pendente de pago pola vosa parte. Por tanto, tedes esta herdanza, e o resto. Se algu\u00e9n da nosa parte ou de parte allea vi\u00f1ese en contra deste acordo, etc., pague a v\u00f3s ou paguemos a mencionada herdanza duplicada ou triplicada, e ademais 320 s\u00f3lidos de moeda forte; e isto \u00e9 o que fixemos, etc.<\/em><\/p>\n\n\n\n

Feito e escrito este acto de venda no d\u00eda 2 das \u00eddes de setembro, na era 1238 (*). N\u00f3s os mencionados, etc. Q. p. f.: Rodrigo Pedro, tendario, confirma. Xo\u00e1n Mart\u00edn Aguza, confirma. Rodrigo Carnota de Legione, confirma. Mateo Pedro, confirma. Pedro Didaci, confirma. Lope Arie, notario compostel\u00e1n, escribiu (Sinatura).<\/em><\/p>\n\n\n\n

(*) Data actual do calendario gregoriano: 12\/09\/1200.<\/em><\/p>\n\n\n\n