{"id":1324,"date":"2025-04-08T10:34:41","date_gmt":"2025-04-08T08:34:41","guid":{"rendered":"https:\/\/carreira.info\/blog\/?p=1324"},"modified":"2025-04-12T12:45:05","modified_gmt":"2025-04-12T10:45:05","slug":"traxedia-nas-pedras-do-rinchador-o-cartagena-no3","status":"publish","type":"post","link":"https:\/\/carreira.info\/blog\/2025\/04\/08\/traxedia-nas-pedras-do-rinchador-o-cartagena-no3\/","title":{"rendered":"Traxedia nas pedras do Rinchador; o Cartagena n\u00ba3"},"content":{"rendered":"\n

Tal d\u00eda coma hoxe de fai 80 anos, na noite do 7 \u00f3 8 de abril do 1945, o cerqueiro de Agui\u00f1o Cartagena N\u00ba 3<\/em> afundiu nos Baixos de Corrubedo<\/em>, concretamente na pedra do Rinchador<\/em>, nunha das maiores traxedias mari\u00f1as da historia de Galicia.<\/p>\n\n\n\n\n\n\n\n

No naufraxio perderon a vida os seus 21 tripulantes, todos eles veci\u00f1os de Agui\u00f1o e de Carreira. A cat\u00e1strofe deixou unha fonda pegada en \u00e1mbalas localidades, especialmente porque s\u00f3 se lograron recuperar os corpos de sete dos mari\u00f1eiros falecidos.<\/p>\n\n\n\n

\"\"<\/figure>\n\n\n\n

Alg\u00fans dos membros da tripulaci\u00f3n e varias atadoras a bordo do Cartagena n\u00ba 3<\/em>. Imaxe do ano 1944.<\/p>\n\n\n\n

Constru\u00eddo no ano 1935 en Palmeira polo mestre construtor Jos\u00e9 Rodr\u00edguez Saavedra, o Cartagena N\u00ba 3<\/em> ti\u00f1a unha eslora de 12,5 metros e estaba equipado cun motor Otto-Deutz di\u00e9sel de 16 cabalos que poucos anos despois foi cambiado por outro de maior potencia. A embarcaci\u00f3n pertenc\u00eda a Manuel Sampedro \u00c1lvarez e m\u00e1is a Francisco Fern\u00e1ndez Oujo, alcumado como “Francisco da Xorda”<\/em>, quen ademais era o seu patr\u00f3n. Por\u00e9n, Francisco non se atopaba a bordo o d\u00eda do afundimento debido a circunstancias persoais que lle impediron sa\u00edr a faenar.<\/p>\n\n\n\n

\"\"<\/figure>\n\n\n\n

Imaxe do barco Bienvenido<\/em>, varado no porto de Agui\u00f1o. Anos 40.<\/p>\n\n\n\n

A fin de semana do accidente, o pesqueiro Cartagena N\u00ba 3<\/em> e m\u00e1is outra embarcaci\u00f3n veci\u00f1a, mentres estaban navegando pola costa do cabo Corrubedo, decidiron regresar a porto debido \u00f3 mal tempo que lles imped\u00eda faenar con seguridade. Mentres a outra nave logrou arribar sen inconvintes a Agui\u00f1o, o Cartagena N\u00ba 3<\/em> desviouse cara \u00f3s baixos de Corrubedo por raz\u00f3ns desco\u00f1ecidas. A embarcaci\u00f3n impactou contra as rochas do Rinchador e afundiu, levando por diante as vidas de toda a s\u00faa tripulaci\u00f3n.<\/p>\n\n\n

\n
\"\"<\/figure>\n<\/div>\n\n\n

Recorte da noticia do afundimento. La Voz de Galicia. 12\/04\/1945.<\/p>\n\n\n\n

Un d\u00eda despois, outro barco de Agui\u00f1o, o Bienvenido<\/em>, atopou aboiando no mar restos da ponte do Cartagena N\u00ba 3<\/em> e o seu bote, preto da zona do suceso. Posteriormente, o mergullador Jos\u00e9 Teira, alcumado “O Cabal\u00e1n”<\/em>, explorou o pecio e profundamente impactado polo acontecido confirmou que o barco se partira en dous, cunha gran fenda no casco. Durante a s\u00faa inmersi\u00f3n, tam\u00e9n atopou vestixios do naufraxio do Friesland<\/em>, mercante de vela holand\u00e9s afundido o 5 de decembro do ano 1877 tam\u00e9n no Rinchador<\/em>.<\/p>\n\n\n

\n
\"\"<\/figure>\n<\/div>\n\n\n

Alg\u00fans dos membros da tripulaci\u00f3n do Cartagena n\u00ba 3<\/em>, nunha imaxe deses anos.<\/p>\n\n\n\n

O desastre golpeou especialmente \u00e1s familias de Agui\u00f1o e Carreira, algunhas das cales perderon varios dos seus membros na traxedia. Nunha \u00e9poca de posguerra marcada pola precariedade econ\u00f3mica, a perda de tantos mari\u00f1eiros non s\u00f3 representou un drama humano, sen\u00f3n tam\u00e9n unha crise para a econom\u00eda local e sobre todo familiar. O afundimento do Cartagena N\u00ba 3<\/em> segue sendo lembrado como a peor cat\u00e1strofe mari\u00f1a da historia de Ribeira, un desgraciado naufraxio que marcou para sempre \u00f3s pobos de Agui\u00f1o e de Carreira.<\/p>\n\n\n

\n
\"\"<\/figure>\n<\/div>\n\n\n

Recorte da noticia do funeral das v\u00edtimas. La Voz de Galicia. 06\/05\/1945.<\/p>\n\n\n\n

O pasado s\u00e1bado d\u00eda 5, a Confrar\u00eda de Pescadores de Carreira e Agui\u00f1o, en colaboraci\u00f3n con diversas entidades culturais de \u00e1mbalas d\u00faas parroquias, organizou na Casa do Mar de Agui\u00f1o unha emotiva homenaxe en lembranza de t\u00f3dalas v\u00edtimas desta traxedia. O acto, cargado de simbolismo e emoci\u00f3n, contou ca presenza de familiares, veci\u00f1os, compa\u00f1eiros de profesi\u00f3n e representantes institucionais, quen renderon tributo \u00e1 memoria dos mari\u00f1eiros falecidos no naufraxio e familias afectadas.<\/p>\n\n\n\n

\"\"<\/figure>\n\n\n\n

Ofrenda floral entregada \u00f3 mar de Agui\u00f1o en lembranza das v\u00edtimas do tr\u00e1xico afundimento. 05\/04\/2025.<\/p>\n\n\n

\n
\"\"<\/figure>\n<\/div>\n\n\n

Cartaz do acto en memoria do 80 aniversario do afundimento. 05\/04\/2025.<\/p>\n\n\n\n