{"id":27,"date":"2024-07-11T21:06:13","date_gmt":"2024-07-11T19:06:13","guid":{"rendered":"http:\/\/localhost\/blog\/?p=27"},"modified":"2024-11-23T16:24:36","modified_gmt":"2024-11-23T15:24:36","slug":"a-vixia-da-cida","status":"publish","type":"post","link":"https:\/\/carreira.info\/blog\/2024\/07\/11\/a-vixia-da-cida\/","title":{"rendered":"A vix\u00eda da Cid\u00e1"},"content":{"rendered":"\n

No mes de abril do ano 2014 comezou a primeira fase da escavaci\u00f3n do castro do monte da Cid\u00e1, localizado no cumio do mesmo monte, situado na parroquia de San Paio de Carreira. Un proxecto financiado pola UE, a Xunta de Galicia e o Concello de Ribeira, o cal estaba inclu\u00eddo dentro do programa Ribeira Atl\u00e1ntica 2015<\/em>, e impulsado polo rexedor local, o alcalde D. Manuel Ru\u00edz Rivas.<\/p>\n\n\n\n\n\n\n\n

O equipo encargado dos traballos estivo formado por m\u00e1is de quince persoas dirixidas polo arque\u00f3logo local Miguel Angel Vidal Lojo, gran investigador e co\u00f1ecedor deste enclave, e que contaba cunha ampla traxectoria en escavaci\u00f3ns arqueol\u00f3xicas en Galicia.<\/p>\n\n\n\n

Era a primeira vez que se fac\u00eda unha intervenci\u00f3n a este nivel neste emprazamento, no que xa dende moi antigo se ti\u00f1a constancia do que hab\u00eda por descubrir, pois sen ir moi lonxe, o propio nome de Ciudad, Cid\u00e1 (Sid\u00e1<\/em>), monte do Castro, maila aldea \u00f3 seu car\u00f3n chamada Castro, fac\u00edan referencia a un lugar no cal se intu\u00eda a presenza dun antigo poboado. Asemade, diversos mapas e documentos antigos xa falaban de que no lugar hab\u00eda antigas \u201cruinas<\/em>\u201d.<\/p>\n\n\n

\n
\"\"<\/figure>\n<\/div>\n\n\n

Vivendas do castro da Cid\u00e1 ca base da caseta-vix\u00eda enriba delas.<\/p>\n\n\n\n

<\/p>\n\n\n\n

Os traballos suced\u00e9ronse por un espazo de tres meses nos cales se descubriron un total de quince vivendas castrexas de variadas formas e tama\u00f1os.  Esta escavaci\u00f3n arqueol\u00f3xica foi unha grande actuaci\u00f3n, pois o \u00e9xito logrado fixo que no ano seguinte se continuaran os traballos cunha segunda fase na cal se desenterraron outras cinco vivendas m\u00e1is, ademais do achado dunha grande cantidade de restos de cazoletas de barro, e os restos dun colar de pedras azuis.<\/p>\n\n\n\n

Pero sen d\u00fabida, un dos aspectos que m\u00e1is chamou a atenci\u00f3n do equipo de arque\u00f3logos, foi unha estrana casarota de forma rectangular, que estaba constru\u00edda enriba dos muros m\u00e1is antigos de d\u00faas construci\u00f3ns castrexas, e que non se correspond\u00eda con nada anteriormente descuberto en ning\u00fan castro. Ademais, no interior dos derrubes desta construci\u00f3n atopouse unha considerable cantidade de restos de tella cer\u00e1mica que semellaba ser parte dun moderno tellado derrubado.<\/p>\n\n\n

\n
\"\"<\/figure>\n<\/div>\n\n\n

Evoluci\u00f3n das escavaci\u00f3ns a vista de dron.<\/p>\n\n\n\n

<\/p>\n\n\n\n

A investigaci\u00f3n posterior permitiu aclarar que tipo de vivenda era a citada construci\u00f3n, pois uns documentos de finais do s\u00e9culo XVIII estudados polo director da escavaci\u00f3n Miguel Vidal, fac\u00edan alusi\u00f3n por parte do Capit\u00e1n Xeral do Reino de Galicia, a establecer postos de vixilancia nos cumes dos montes da costa galega para establecer puntos de control do tr\u00e1fico mar\u00edtimo e poder as\u00ed alertar dos intentos de incursi\u00f3n dos nav\u00edos inimigos (sobre todo a flota inglesa), nun contexto de guerra entre a Coroa Espa\u00f1ola e a Brit\u00e1nica.<\/p>\n\n\n

\n
\"Mapa<\/figure>\n<\/div>\n\n\n

Fragmento dun mapa do ano 1797 ca localizaci\u00f3n das casetas-vix\u00eda.<\/p>\n\n\n\n

<\/p>\n\n\n\n

Unha serie de postos de vixilancia, tam\u00e9n denominados casetas-vix\u00eda ou fachos<\/em>, por mor do sistema de fogueiras que se prend\u00edan neles como m\u00e9todo de comunicarse cos outros postos, fac\u00edan que en pouco tempo, as noticias dunha incursi\u00f3n inimiga chegara dende as R\u00edas Baixas ata A Coru\u00f1a ou O Ferrol, facendo as\u00ed que os barcos da nosa Armada estiveran dispostos a repeler os citados ataques o m\u00e1is axi\u00f1a posible.<\/p>\n\n\n\n

Do que quedou deste posto e quenes foron os seus ocupantes, a documentaci\u00f3n oficial e a memoria local esquec\u00e9ronse delo. Agora s\u00f3 nos quedan estes restos, que permanecen enriba dunha impresionante construci\u00f3n castrexa, que segundo as investigaci\u00f3ns m\u00e1is recentes conta cunha idade duns 2700 anos; un dos castros m\u00e1is antigos do noso Pa\u00eds.<\/p>\n\n\n\n