{"id":472,"date":"2024-08-24T16:35:27","date_gmt":"2024-08-24T14:35:27","guid":{"rendered":"https:\/\/carreira.info\/blog\/?p=472"},"modified":"2024-08-30T17:30:14","modified_gmt":"2024-08-30T15:30:14","slug":"testemuna-directa-do-ataque-a-pearl-harbor","status":"publish","type":"post","link":"https:\/\/carreira.info\/blog\/2024\/08\/24\/testemuna-directa-do-ataque-a-pearl-harbor\/","title":{"rendered":"Testemu\u00f1a directa do ataque a Pearl Harbor"},"content":{"rendered":"\n

O d\u00eda 7 de decembro do ano 1941 a Historia mudou para sempre, pois ese d\u00eda a Armada Imperial Xaponesa \u201cNippon Kaigun\u201d<\/em> atacou por sorpresa \u00e1 frota norteamericana fondeada na base naval hawaiana de Pearl Harbor, provocando a entrada dos Estados Unidos na Segunda Guerra Mundial. O resto desta historia xa a co\u00f1ecemos…<\/p>\n\n\n\n\n\n\n\n

Nacido en Carreira no ano 1913, Pablo Sampedro \u00c1lvarez, emigrou \u00f3s Estados Unidos cando ti\u00f1a 16 anos atendendo \u00f3 reclamo do seu pai, que xa levaba un tempo traballando nese pa\u00eds. Estableceuse na cidade de Bayonne (<\/em>N<\/em>ew Jersey)<\/em> traballando de barbeiro, ata que posteriormente, cando foi do Draft<\/em> americano que alistaba persoal en tempos de paz, se enrolou no ex\u00e9rcito dese pa\u00eds sendo destinado a facer o servizo militar a Honolulu<\/em> (illa de Oahu \u2013 Hawaii<\/em>), e preto de al\u00ed se atopaba cando foi o fat\u00eddico d\u00eda do ataque xapon\u00e9s que os colleu a todos por sorpresa.<\/p>\n\n\n\n

\"\"<\/figure>\n\n\n\n

Libro de rexistro de emigrantes do Concello de Ribeira (1929).<\/p>\n\n\n\n

Pablo (nacionalizado Paul) Sampedro viveu de primeira man o ataque xunto cos seus compa\u00f1eiros do ex\u00e9rcito e dem\u00e1is persoal al\u00ed establecido, e como tal, foi movilizado e asumeu a responsabilidade derivada do seu posto de po\u00f1erse \u00e1 fronte da defensa do seu pa\u00eds de acollida, e a soportar o trauma e o horror dese fat\u00eddico d\u00eda e posteriores.<\/p>\n\n\n\n

\"\"<\/figure>\n\n\n\n

Imaxe de Paul xunto con membros da s\u00faa compa\u00f1\u00eda no cuartel Schofield Barracks <\/em>– Honolulu (1941).<\/p>\n\n\n\n

Conforme \u00eda pasando o tempo, Paul que estudara e se formou como cart\u00f3grafo, fac\u00eda traballos de planimetr\u00edas e fotolitograf\u00edas, e foi promocionando no ex\u00e9rcito norteamericano de soldado de primeira clase ata o rango de sarxento, para ser transferido \u00f3 longo da guerra \u00e1 forza a\u00e9rea onde acadou o grao de sarxento t\u00e9cnico con funci\u00f3ns de delineante ao mando de 12 soldados, sendo desmovilizado pouco despois do remate da guerra en setembro do ano 1945, logo de catro anos e medio servindo \u00e1s forzas armadas norteamericanas.<\/p>\n\n\n\n

\"\"<\/figure>\n\n\n\n

Imaxe do Buick Century de Paul Sampedro no lugar de Campos (1956).<\/p>\n\n\n\n

No ano 1969, Paul volveu definitivamente para a s\u00faa terra xunto \u00e1 s\u00faa familia establecida en Santiago, e t\u00f3dolos anos visitaba a s\u00faa casa do lugar das Pedri\u00f1as ata o ano 1979 no cal faleceu. Sen d\u00fabida, unha vida intensa, interesante e sobre todo desco\u00f1ecida, e que se merec\u00eda este pequeno reco\u00f1ecemento.<\/p>\n\n\n\n

\n