Presentamos unha selección de imaxes históricas da parroquia de San Paio de Carreira. Dado o escaso rexistro visual das nosas rúas, vivendas e paisaxes no pasado, estas fotografías, retocadas e melloradas dixitalmente, permiten ofrecer unha visión de épocas anteriores na súa mellor calidade.
Agradecemos ó lector o seu aprecio polo traballo realizado, agardando que poidan contemplar estas paisaxes con mirada respectuosa e reflexiva.
A vella estrada dende Campos ata Aguiño baixando polo lugar de Listres, nos anos 20 do pasado século.
Estrada de Vixán á Capela a finais dos anos 60 do pasado século.
Imaxe que nos mostra a estrada da Capela a Vixán, ca tenda de Luz en primeiro plano, así como a subida á Guía. Anos 50.
A mesma imaxe anterior, pero tomada arredor do ano 1972.
Nesta imaxe podemos ver as escolas da Capela e a pequena praza chamada daquela a Horta da Capilla, atravesada pola estrada que comunica o centro de Carreira con Vixán, A Graña, Couso e Aguiño. Imaxe de arredor do ano 1975.
Imaxe tomada nos anos 50 do pasado século onde se aprecian algunhas das vivendas do lugar do Cruceiro.
Nesta imaxe podemos apreciar a estrada que vai dende Campos ata Listres pasando polo lugar das Pedriñas. Ao fondo vense as casas de Aguiño. Ano 1967.
Imaxe tomada no mesmo lugar ca a anterior, pero no ano 1976. Ao fondo aprecianse algunhas das casas de Aguiño e na lonxanía, o illote de Noro, as pedras do Carreiro, e maila illa de Sálvora.
Fontes:
– Portada: Carpintería no lugar de Campos, nos anos 10 do pasado século. Juan Millares (In Memoriam).
– Agradecementos a Mari Pazos (Ribeira), e María Matilde Alonso (In Memoriam), polas imaxes e axuda aportada.
Deixa unha resposta