Este topónimo, o máis antigo coñecido documentalmente no que se menciona a parroquia, aparece rexistrado no Tombo de Toxos Outos. Este libro é unha compilación realizada polos monxes do mosteiro de San Xusto de Toxos Outos no ano 1289, nunha época en que o abade do mosteiro era un tal Sancho Eanes.
Seguir lendo “Sancte Eugenie de Carraria”
Iniciamos neste blog unha serie de artigos adicados a unha figura que, sen dúbida, pode considerarse o persoeiro máis relevante na historia da parroquia de San Paio de Carreira; Don Manuel de Acuña y Malvar. Nomeado cura párroco desta freguesía no ano 1789, permaneceu á fronte da mesma durante tan só catro escasos anos, ata o 1792. Porén, o impacto da súa obra foi tal que a súa pegada perdura ata os nosos días, malia continuar sendo unha figura amplamente descoñecida entre os habitantes de Carreira e as súa contorna.
Seguir lendo “D. Manuel de Acuña y Malvar (I)”
Poucas veces na historia, os veciños de Carreira e Aguiño se mobilizaron de maneira tan contundente coma nos anos 1981 e 82. Todo comezou cando o daquela Ministerio de Obras Públicas y Urbanismo (MOPU), propuxo instalar unha antena de transmisión de sinais vermellas do sistema de posicionamento Decca Navigator no lugar de Anquieiro, preto da lagoa de Vixán, unha área que hoxendía forma parte do Parque Natural.
Seguir lendo “Unha mobilización histórica”
No ano 1753, o Catastro de Ensenada rexistraba nesta parroquia dezaseis muíños fariñeiros de cubo con dezasete moas negras. Poucos anos despois construíronse dous máis, sumando un total de dezaoito. Estes muíños hidráulicos, característicos da zona dende o século XVII ca introdución do millo gordo procedente de América, proliferaron debido ó illamento da parroquia, que obrigaba ós veciños a autoabastecerse de fariña ante a falla de mercados e de recursos económicos.
Seguir lendo “Os muíños do rego do Vilar”
Tamén coñecido como Memorial de Facenda, Rendas e Pensións da Antiga Tenencia do Hórreo, o Liber Tenencie de Horro é un documento redactado en lingua galega no ano 1438, no cal se recollen datos administrativos relacionados cos décimos eclesiásticos da antiga Tenencia do Hórreo.
Seguir lendo “Liber Tenencie de Horro”
Nado en Sevilla no ano 1363, Don Lope de Mendoza foi nomeado bispo de Mondoñedo no ano 1393, e arredor do 1399 designado arcebispo de Santiago de Compostela, cargo que desempeñou ata o seu falecemento no ano 1445. O seu pontificado de 46 anos é ata o de agora, o máis longo da historia da Igrexa Compostelana.
Seguir lendo “Doazón do arcebispo D. Lope de Mendoza”
O proxecto para a creación dunha pesqueira de atúns na illa de Sálvora foi ideado no ano 1790 por D. Juan José Caamaño y Pardo de Cela, conde de Maceda, cabaleiro da Orde de Malta e ilustrado ferrolán de gran relevancia no eido económico e social.
Seguir lendo “Proxecto dunha almadraba en Sálvora”
Presentamos aquí una relación dos curas párrocos que houbo nos últimos cinco séculos na freguesía de San Paio de Carreira, os cales quedaron rexistrados en diversos documentos eclesiásticos que se atopan no Arquivo Histórico Diocesano de Santiago de Compostela.
Seguir lendo “Relación de párrocos de Carreira”
En resposta a unha solicitude do rei Felipe II datada a finais de marzo do 1580, o señor xuíz Ginés Galindo foi designado para realizar un censo de habitantes na freguesía de San Paio de Carreira.
Seguir lendo “Padrón de habitantes do ano 1580”
Un artigo publicado en novembro do ano 2010 na revista especializada Quercus, realizado polo investigador e biólogo valenciano Manuel Polo Aparisi, presentaba o resumo dun estudo que confirmaba algo que xa se intuía dende facía algún tempo: a perda de biodiversidade na lagoa de Vixán.
Seguir lendo “Perda de biodiversidade na lagoa de Vixán”
Domingo Regueira González foi un precursor na divulgación da prehistoria e arqueoloxía na comarca da Barbanza. Dende moi novo, amosou un profundo interese polo coñecemento e a investigación de xacementos arqueolóxicos esquecidos da nosa terra, unha labor que quedou reflectida nas pequenas pero imprescindibles obras que publicou nos anos oitenta do pasado século.
Seguir lendo “Un pioneiro na divulgación do patrimonio”
Na cabeceira deste artigo presentamos unha parte da Carta de la Ría de Arosa, levantada entre os anos 1904 a 1906 pola Comisión Hidrográfica a bordo do vapor de guerra Urania, e publicada no ano 1910 en Madrid.
Seguir lendo “Cartografía Histórica (II)”
No século XVI, o rei Felipe II de España comisionou a un xuíz chamado Ginés Galindo para levar a cabo unha serie de tarefas administrativas relacionadas co Couto de Carreira, pertencente este á Igrexa Compostelana, ante a posible compra do mesmo por Nicolao de Grimaldo (Niccolò Grimaldi “Il signor monarca” – 1524-1593), Principe de Salerno, Duque de Eboli, Marqués de Diano e banqueiro persoal do todo poderoso rei.
Seguir lendo “Felipe II e a venda do Couto de Carreira”
Posiblemente existan investigacións previas que descoñecemos, pero o primeiro gran estudo científico documentado sobre o castro do monte da Cidá aparece nun artigo publicado na revista Nós no ano 1927, onde tamén se analizan diversos achados arqueolóxicos da comarca da Barbanza.
Seguir lendo “Prehistoria e folklore da Barbanza”
Hoxe, día de tódolos Santos, publicamos aqui a historia do santo patrón de Carreira. A tradición popular contanos que San Paio, nado como Pelagio (Pelagius), naceu arredor do ano 911 na parroquia de Albeos, no actual concello de Crecente.
Seguir lendo “San Paio Mártir; un exemplo de valentía”
Vasco Fernández de Parga, notario público de Noia, expide unha acta en relación co proceso polo cal se condenou a Vasco de Lema por entrar con outros homes na xurisdición da freguesía de Carreira e manipular unha balea que estaba varada no lugar de Couso, o cal era da xurisdición de Santiago.
Seguir lendo “Unha balea varada en Couso”
Continuando ca serie de artigos adicados a Aguiño, presentamos hoxe un documento datado en marzo do ano 1930, e publicado na revista Céltiga, que nos achega á famosa e misteriosa Cruz de Aguiño.
Seguir lendo “A Cruz de Aguiño: Un misterio ancestral”
Hai un século, tal día coma hoxe, un grupo de mariñeiros da parroquia de Carreira fundaba o Pósito de Pescadores co obxectivo de defender os seus intereses económicos e sociais, ó igual que estaban facendo moitos mariñeiros doutros puntos do país nos últimos anos.
Seguir lendo “D. Alfredo Saralegui visita o Pósito”
A chegada do novo párroco D. Alejandro Bello García á parroquia de Carreira no ano 1958, marcou o comezo dunha serie de cambios organizativos que se implementaron pouco despois. O máis destacado foi, sen dúbida, a solicitude de creación dunha nova parroquia en Aguiño.
Seguir lendo “A creación da parroquia de Aguiño”
Esta semana, para celebrar o centenario da Confraría de Pescadores de Aguiño, compartimos unha serie de imaxes que lembran o pasado mariñeiro desta localidade. Antigamente, este lugar era o porto da extensa parroquia de Carreira, a cal hoxendía aínda segue a manter fortes lazos históricos, relixiosos, familiares e sociais con Aguiño.
Seguir lendo “Aguiño, parroquia mariñeira”
Presentamos aquí a primeira entrega dunha serie dedicada ós mapas máis antigos de Galicia que se coñecen, e nos cales aparece rexistrada a parroquia de Carreira.
Seguir lendo “Cartografía Histórica (I)”
Así foi bautizada popularmente pola veciñanza o Centro Social de Carreira Irmáns Villar, edificio reconstruído polo Concello de Ribeira para a realización de eventos sociais e culturais, situado no lugar de Campos e inaugurado no verán do ano 1986.
Seguir lendo “A casa de cultura”
Partindo da base documental do Catastro de Ensenada, imos darnos unha idea de cómo era a mediados do século XVIII o termo de San Paio de Carreira, a que fora a parroquia máis forte da bisbarra no eido económico e demográfico ata esa época, para logo deixar paso a Santa Uxía de Ribeira, que xa comezaba a despuntar ca súa industria pesqueira.
Seguir lendo “O Catastro de Ensenada (e II)”
Na noite do 22 de decembro do ano 1906, uns delincuentes roubaban na igrexa parroquial de Sampaio e de paso lle prendían lume ó precioso altar churrigueresco que dende o ano 1721 presidía o principal templo carreiran.
Seguir lendo “O incendio da igrexa parroquial (e II)”
Nas festas parroquiais do ano 1980 e 1981, o grupo local de música pop-rock Petoucos a Rebolos fixo as súas primeiras e únicas actuacións en directo. Pouco despois, e tras varios trocos de persoal por mor de obrigas profesionais e persoais, o grupo mudou de nome pasando a chamarse Desorden.
Seguir lendo “Música feita en Carreira”
Esta illa estivo moitos séculos vinculada histórica e socialmente a San Paio de Carreira e os seus veciños, moitos dos cales dependían económicamente dela, ata que no ano 1959 pasou a integrarse no territorio da recén creada parroquia de Nosa Señora do Carme de Aguiño.
Seguir lendo “A illa de Sálvora”
Unha das persoas que máis e mellor rexistro gráfico teñen feito da nosa bisbarra é sen dúbida algunha Antonio Parada Mariño, Tucho para quenes mellor o coñecemos.
Seguir lendo “Unha ollada atrás en imaxes”
Amosamos aquí a transcrición dun texto histórico relacionado ca parroquia de San Paio de Carreira. Trátase dunha carta de poder outorgada por Diego Pillado, comerciante da cidade de Santiago de Compostela, a prol de Antonio de Torres, para que este no nome de aquel poida recibir en arrendo o beneficio de San Paio de Carreira, na diócese de Santiago. Está datado o 14 de xuño do ano 1520, apenas catro anos despóis do comezo do reinado de Carlos I.
Seguir lendo “Carta de Poder do século XVI”
A igrexa parroquial de San Paio de Carreira foi construída entre os anos 1712 e 1717 segundo consta nun dos libros de fábrica custodiados no Arquivo Histórico Diocesano de Santiago de Compostela.
Seguir lendo “O incendio da igrexa parroquial (I)”
Eran outros tempos, a que fora unha das romaxes máis famosas da bisbarra e que máis fieis atraía, era anunciada a toda páxina no diario de maior tirada da rexión, La Voz de Galicia, fai agora 60 anos.
Seguir lendo “Festa da Guía 1964”
A finais dos anos vinte do pasado século, na obra Geografía General del Reino de Galicia de Eugenio Carré Aldao, sae unha descrición moi detallada do termo parroquial, onde se fai incluso unha anotación sobre a lenda da cova de Santa Catalina na illa de Sálvora.
Seguir lendo “A parroquia segundo Carré Aldao”
No mes de xullo do ano 1745 reunironse na casa reitorial de San Paio de Carreira as autoridades enviadas polo goberno da nación xunto con representantes dos veciños, para facer a averiguacion de rendas dos habitantes da parroquia atendendo ás indicacións do daquela ministro de facenda, Don Zenón de Somodevilla, Marqués de la Ensenada, ordenado polo rei Fernando VI.
Seguir lendo “O catastro de Ensenada (I)”
A finais do século XIX, un novo movemento relixioso encadrado no cristianismo protestante, se estaba a introducir en Galicia da man de misioneiros ingleses respaldados pola organización británica Echoes of Service, unha axencia de apoio á difusión misioneira internacional para a expansión da Igrexa Evanxélica.
Seguir lendo “Conflitos relixiosos”
Pouco antes do comezo da guerra civil, o goberno de España dedicouse a actualizar e mellorar a cartografía militar e civil do país, percorrendo tódolos cornechos da xeografía e trazando planos moi peculiares cos cales actualizar os anticuados, imprecisos ou inexistentes mapas.
Seguir lendo “Cartografía de posguerra”
O día 7 de decembro do ano 1941 a Historia mudou para sempre, pois ese día a Armada Imperial Xaponesa “Nippon Kaigun” atacou por sorpresa á frota norteamericana fondeada na base naval hawaiana de Pearl Harbor, provocando a entrada dos Estados Unidos na Segunda Guerra Mundial. O resto desta historia xa a coñecemos…
Seguir lendo “Testemuña directa do ataque a Pearl Harbor”
Licenciado en Xeografía e Historia pola Universidade de Santiago, este ilustre carreiran nado no ano 1955, é un dos historiadores que mellor coñece o pasado recente da nosa comarca, pois as súas obras, artigos e investigacións así nolo confirman.
Seguir lendo “Daniel Bravo Cores, historiador”
Nas décadas dos anos 40 e 50 do pasado século, estivo funcionando nos terreos de Pipín, a carón da hoxe famosa Praia do Vilar, unha pequena mina de volframio coñecida como a mina de Llovo.
Seguir lendo “A mina de Llovo”
Tódolos nomes de lugares en Galicia teñen un por qué, unha causa, unha orixe… moitas veces coñecida, pero a maior parte delas, descoñecida.
Seguir lendo “As orixes do topónimo”
Durante uns anos do século pasado, houbo en Carreira unha fábrica de gasosas. Fundada polo señor D. Francisco Santamaría Paz a finais do ano 1948, comezou a súa andaina nunha pequena casa situada no lugar de Campos, a carón da muiñeira de Millares.
Seguir lendo “A fábrica de Gaseosas Santamaría”
Hai antigos documentos parroquiais arquivados no AHDS, que confirman que xa no ano 1505 se lle rendía culto ó santo en cuestión nunha capela da que hoxe se descoñece a súa localización.
Seguir lendo “A capela de San Roque da Granxa”
Corría o ano 1953 cando o señor D. Francisco Millares Dios solicitou nas oficinas do Concello de Ribeira, o correspondente permiso de obras para a construcción dun cinematógrafo, tal e como consta no citado documento:
Seguir lendo “O cinema Millares”
Luís Fco. Crujeiras Millet, veciño de Carreira orixinario do lugar de Vixán, estivo embarcado en varios pesqueiros do cerco de Aguiño cando era xoven; Xouba, Xurel, Hnos. Irarramendi… descubrindo de primeira man o mundo do mar e máis o das distintas embarcacións de pesca tan abundantes daquela nos portos das nosas rías.
Seguir lendo “Galician woodcraft made in U.S.A.”
Patrimonio histórico artístico relixioso da parroquia de San Paio de Carreira dende tempos inmemoriais, non se sabe con certeza cando, por quen, nin o motivo polo cal foi construído este templo situado no punto máis alto do lugar máis poboado da parroquia.
Seguir lendo “Cambio de look da capela da Guía”
Na tarde do luns 27 de maio do ano 1895, un mariñeiro de Carreira, Juan José Romano, estaba faenando na súa dorna Juana preto dos baixos de Corrubedo, entre as pedras dos Cobos e A Praguiña, cando un grande barco de pasaxe e carga, o vapor francés Dom Pedro (na imaxe superior), pasando por ese mesmo lugar e cunha mar en calma, encallóu nas rochas dos baixos e de seguido comezou a afundirse.
Seguir lendo “Courage et Devouement”
Dezasete anos (do 1817 ó 1834) tardou o ilustrado Domingo Fontán en elaborar a Carta Xeométrica de Galicia, primeiro mapa físico realizado no Reino de España utilizando medicións matemáticas, co cal a fiabilidade respecto doutros mapas da época, era a mellor e máis exacta feita ata ese momento na Historia do noso País.
Seguir lendo “A parroquia na carta xeométrica de Domingo Fontán”
O día 19 de decembro do ano 1833, reuníronse os veciños de Carreira na casa reitoral de Sampaio en presenza do daquela cura párroco D. Joseph de Villaroel, para atender a solicitude dos empresarios cataláns afincados na Pobra, os señores José Ferrer e Francisco Barreras, de establecer catro almacéns de salgadura de peixe en terreos da parroquia. O documento (incompleto) transcrito do orixinal, dicta así:
Seguir lendo “Un importante protocolo notarial”
Descuberto accidentalmente no verán do ano 1978 (imaxe superior), a gran muralla que o rodea pola parte de terra, é o único resto que nos queda deste pequeno e curioso castro do que moi pouco se sabe.
Seguir lendo “O castro do Porto de Baixo”
Don Manuel de Acuña y Malvar, cura párroco de San Paio de Carreira do 1789 ó 1792, tivo unha curta pero intensa andadura mentres estivo exercendo nesta parroquia, e moito máis ó longo da súa emocionante e complicada vida.
Seguir lendo “Mapa de Acuña Malvar do 1790”
O luns 4 de xuño do ano 1979, día da festividade da Guía en Carreira, inaugurábase de xeito oficial o novo campo de fútbol do equipo local, situado no lugar de Pé do Corniño, e que pasaba a denominarse Campo da Guía.
Seguir lendo “A inauguración do Campo da Guía”
No ano 1777 chegou para dirixir a parroquia de San Paio de Carreira un cura granadino, avogado da Real Chancillería, e que se chamaba Mathías Pérez Rincón.
Seguir lendo “Don Mathías Pérez Rincón”Basado en WordPress traducido por egalego.com | Tema: Baskerville 2 por Anders Noren
