Ó longo de décadas, as reivindicacións veciñais constituíron unha parte esencial da relación entre a cidadanía e a administración local, especialmente no ámbito parroquial. En parroquias como Carreira, as demandas máis habituais xiraban arredor de cuestións básicas e necesarias para a vida diaria: arranxo de camiños e viarios, mellora das traídas de auga, sumidoiros, mantemento do alumeado público, a contaminación, ou determinadas cargas fiscais que afectaban directa e negativamente á veciñanza.