Corría o mes de abril do ano 1813, cando na parroquia de San Paio de Carreira, o daquela cura párroco D. Joseph de Villaroel, tivo que saír na defensa dos seus veciños fronte ós abusos das autoridades fiscais de Noia. A repartición das contribucións resultara inxusta e pesada, cargando cotas enormes sobre os veciños máis probes, mentres os propietarios forasteiros apenas pagaban a súa parte.