Novas de actualidade
A Conselleira de Traballo visita Carreira.
· Carreira, 21/05/2013
O obradoiro de emprego “Vionta” de Ribeira está a ofrecer un posto de traballo e unha formación “de calidade” en carpintería e albanelería a 25 persoas
en situación de desemprego. Así o puxo de manifesto a conselleira de Traballo e Benestar, Beatriz Mato, quen visitou hoxe esta iniciativa, na que o
departamento autonómico inviste 220.000 euros.
Os alumnos deste programa están participando activamente na construción dun local social e multiusos na parroquia de Carreira, así como na fabricación
de equipamentos en madeira para espazos públicos (...).
Nova relacionada na web oficial da Xunta de Galicia: www.xunta.es.
Construcción dunha rotonda no cruce do Vilar.
· Carreira, 06/05/2013
Comezaron as obras de construcción dunha rotonda no cruce do Vilar. Esta obra que xa fora aprobada pola Xunta fai uns anos, convertese por fin en realidade
logo de rematar os trámites burocráticos correspondentes.
A rotonda que se vai facer neste punto estratéxico do cruce de estradas, vai mellorar o tráfico rodado, e axudará a eliminar as longas ringleiras de coches que se
chegan a formar moitas veces, máis se cadra na época de verán, onde os vehículos que transitan cara á praia do Vilar chegan a ser moi numerosos.
Unha obra bastante reivindicada dende fai moito tempo polos veciños, e moi necesaria, pois agardase que mellore en tódolos xeitos a circulación
rodada neste punto onde conflúen algunhas das estradas máis transitadas do Concello de Ribeira.
Ver D.O.G. do 09/04/2012 en .pdf.
Descargar o arquivo correspondente (PDF - 422 Kb).
Presentada a X carreira popular Virxe da Guía.
· Carreira, 19/04/2013
Organizada conxuntamente pola Asociación de Veciños de Carreira e máis polo Concello de Riveira, vense de presentar a décima edición da carreira
popular Virxe da Guía, con importantes novidades respecto doutras edicións anteriores, e na que a principal é un cambio no percorrido habitual,
pasando de 5 a 10 os km do mesmo.
Compre sinalar, que na edición deste ano, o deseño das camisetas oficiais vai ser o debuxo gañador do certame, feito por Mireia Ageitos Gude, do C.E.P.
Carreira, o cal se pode descargar desde esta ligazón, premendo na imaxe correspondente.
As categorías de probas escolares poden anotarse a traveso do seguinte formulario, cubrindo os datos que se solicitan.
Formulario de inscrición
As categorías adultas poden anotarse a traveso da seguinte web.
www.championchipnorte.com
Máis información na páxina web oficial da proba: www.virxedaguia.org
Ver regulamento da presente edición da proba.
Descargar o arquivo correspondente (PDF - 359 Kb).
Campus de fútbol base "Fran e José Ramón".
· Ribeira, 08/04/2013
Dos días 15 ó 21 deste mes de abril, terá lugar no polideportivo da Fieiteira, un campus de futbol base, maratón e fútbol indoor.
O apartado do futbol base, será impartido polos ex-deportivistas Fran e José Ramón.
Neste curso de perfeccionamento e tecnificación, haberá dous grupos segundo idades e horarios. As prazas son limitadas, e o prezo de inscrición é de 30 euros.
Máis información na páxina web oficial do Concello de Ribeira: www.riveira.es .
Charla sobre drogodependencia na Casa da Cultura.
· Diario de Arousa, 06/04/2013
O pasado xoves pola tarde tivo lugar na Casa da Cultura de Carreira, unha charla sobre drogodependencia, organizada pola Asociación de Veciños da parroquia.
Desta vez, foi a psicóloga da Asociación Antidroga Renacer, María José Iglesias, a encargada de impartir esta charla-coloquio á que acudiron preto
de trinta persoas.
A poñente destacou a importancia que ten o ver e analizar a conducta dos rapaces para poder afrontar este tipo de situacións, destacando certa clase de
comportamentos, actitudes, etc. e a mellor maneira de poder facerlle frente. Asemade, María José fixo fincapé na importancia do papel dos pais,
e na necesidade de educar ós fillos para que poidan resistir este tipo de presións negativas.
Nova relacionada no Diario de Arousa: www.diariodearousa.com.
Excursión cultural a Campo Lameiro.
· Carreira, 17/03/2013
Unha nova viaxe cultural organizada pola AA.VV. de Carreira para o vindeiro domingo día 24, terá como destino o Parque Arqueolóxico da Arte Rupestre
de Campo Lameiro, en Pontevedra. A saída será ás 9 da mañán dende a Capela da Guía, e aconséllase calzado cómodo para camiñar. Pola tarde visitarase
a vila de Caldas de Reis.
O Parque Arqueolóxico da Arte Rupestre de Campo Lameiro é un referente a nivel europeo e mundial deste tipo de xacementos, pois un percorrido polo mesmo fará que poidamos
observar diferentes tipos de petróglifos, os cales ademáis de ser dos máis fermosos de Galicia, atopanse nun excelente estado de conservación. Asemade poderemos visitar
a recreación dun poboado da idade do bronce, un centro de interpretación, e diversos paneis explicativos sobre os case que 3 km de percorrido do campo.
Maís información na web oficial do Parque: www.paar.es.
Para anotarse e informarse, poden facelo a traveso do teléfono 630858494, no enderezo de correo electrónico aavvdecarreira@gmail.com
ou ben directamente no Supermercado Gloria (A Capela).
Ver folleto informativo.
Descargar o arquivo correspondente (PDF - 905 Kb).
Apertura dunha nova farmacia en Carreira.
· Carreira, 25/02/2013
Logo de preto de 40 anos sen servizo de farmacia na parroquia de Carreira, o pasado 14 de febreiro abría as súas portas o novo establecemento que rexenta a licenciada Ana María
Bouzas, no mesmo local que dende o ano 1983 ata finais do 2008, ocupou a sucursal de Caixa Galicia no Lugar de Campos.
Sen dúbida, unha moi boa nova para toda a veciñanza, xa que era algo moi necesario e solicitado polos veciños dende fai moitos anos.
O vindeiro sábado día 2 de marzo, ás 12 da mañán, terá lugar o acto de apertura oficial da Farmacia Bouzas.
Agardamos que tódolos veciños que o desexen, se acerquen ata alí a tomar un pincho, coñecer o local, e dar a benvida ás novas empregadas,
as cales estarán encantadas de recibir a súa visita.
Ruiz cumplirá a promesa de adicar unha instalación a Fran e Xosé Ramón.
· Diario de Arousa, 16/01/2013
Tal e como se comprometera fai un ano, o alcalde ribeirense Manuel Ruiz vai propoñerlle ó grupo de goberno municipal, que a nova pista polideportiva
que se está a construir no recinto do C.E.I.P. de Frións, leve o nome dos deportistas locais Fran e Xosé Ramón González Pérez.
De levarse a cabo o nomeamento desta pista como propón o Alcalde, sería algo digno de agradecer, pois estes dous irmáns foron partícipes de levar ó
mais alto ó futbol galego mentres militaban no Deportivo da Coruña, conquerindo varios títulos de competicións a nivel nacional.
A pista polideportiva que se está a construir neste colexio, é de céspede articial, con valado de madeira, canastas e porterías, ó igual que a nova pista
que tamén se está a construir a carón do campo da Tasca (Aguiño).
Máis información no Diario de Arousa: www.diariodearousa.com.
Nova relacionada no Diario de Arousa: www.diariodearousa.com.
Nova relacionada no Xornal Certo: www.certo.es.
Excursión á Coruña.
· Carreira, 11/01/2013
Comezo do ano cunha nova viaxe cultural a cargo da Asociación de Veciños de Carreira. Desta vez será o vindeiro sábado día 19 á cidade da Coruña,
onde quen o desexe poderá ir a practicar patinaxe sobre xeo na pista do Coliseum, que tódolos anos por estas datas se abre ó público.
Como alternativa a esta actividade, tamén haberá visitas ó museo Domus, comida tipo picnic e pola tarde visita ó casco histórico da cidade.
Para anotarse e informarse, poden facelo a traveso do teléfono 630858494, no enderezo de correo electrónico aavvdecarreira@gmail.com
ou ben directamente no Supermercado Gloria (A Capela).
Ver folleto informativo.
Descargar o arquivo correspondente (PDF - 329 Kb).
Arquivo de novas de anos anteriores.
Para poder aceder ás novas de anos anteriores, debe de facerse dende o menú lateral da esquerda, na súa parte inferior,
no apartado Novas de Actualidade,
da sección Servizos. Poderá aceder ó arquivo dende o ano 2001.
· Visitas dende o 30 de agosto do ano 2000:
